ENGLISH PAGE!
HYTTER
SELSKAPSLOKALET
AKUSTISK SOMMAR 2006
Hellbillies, Sondre Bratland og Tore Bruvold, Aksel Korbøl, SALT, Akku
HØGSTANDARD HYTTER I VINJE
GARDEN PLASSEN
Overnatting, kulturprogram og produksjon
Fersk bakst!
Mjonøy AS
v/Ellen Nordstoga
3890 VINJE
Faks: 35 07 26 33
Tlf: 975 74 084/ 35 07 26 11
e-post: ellen@mjonoy.no
VERTSKAP: ELLEN NORDSTOGA OG
DARIUS JASMANTAVICIUS
Du kan tinge plass hjå oss direkte,
eller hjå Rauland Turist
Sida er oppdatert den 08.03.2006
DYRE VAA-UTSTILLING. Opning 18. juni 2006
Sesongopning på Mjonøy med mellom anna Berit Opheim. Skulpturar og bilete av Dyre Vaa. Konsert med SALT! Vestlandsk- shetlandsk samarbeidsprosjekt med Gabriel Fliflet, Maurice Henderson, Annlaug Børsheim og Olav Christer Rossebø.
MATDAG 6. august 2006
Matdag på Mjonøy.
Velkomen til Mjonøy
1000-årstad i Vinje
Mjonøy er både hyttegrend, bakeri, serveringsstad, selskapslokale, kursstad, konsertstad og utstillingslokale i eitt!
MJONØY GARDSMAT!
Her sel me mat som er foredla der den er produsert, nemleg på gardsbruk som er medlemmer av Norsk gardsmat. Her finst mjølke- og kjøt- og fiskeprodukt frå småskalaprodusentar i heile sud-Noreg.
HYTTEUTLEIGE
Me driv vanleg hytteutleige i uvanlege hytter, som no vert rusta opp. To av hyttene får høg standard til sommaren, mellom anna med bad. Hyttene er ominnreidde gamle timrur samla inn og sett upp på Mjonøy av Alv Negarden på 50 og 60-talet. Her finn ein mellom anna både gamle bur og eit gamalt fjos. Alle med sitt særpreg og trivelege å bu i. I Eldhuset får du tildelt hyttenøklar, kjøpt fiskekort, og elles slik service som ein forventar som hytteturist.
BAKAROMN
Kva med ferskt brød, kringle, varme rundstykke eller kanelbollar baka i gamaldags steinomn? Dette får du på Mjonøy! Her bakar me på bestilling i vinterhalvåret, men heile sommaren er bakeriet i drift kvar dag. Då kan du berre sjå innom og handle fersk bakst!
SERVERING OG SELSKAP
I sumarsesongen er Eldhuset ope. Her får du god og heimegjord mat som er gjord av lokale råvarer. Mjonøyburgaren er saftig og god. Du får den servert med hamburgarbrød rett frå bakarovnen på Mjonøy. Kjøtet har kome frå kalvebingen på Plassen. Elles serverar me grillspjot, rjomegraut og den lokale mjølkeretten "Haglette". Vaflar og bakst frå bakaromnen på Mjonøy er også på "matkartet" vårt. Den etter kvart vidgjetne "Vesaaskurven", ei pylse av sauekjøt som er røykt på garden Vesås, byr me også på. Me er opptekne av å bjode på god mat, som er produsert i nærområdet.
OPPLEGG FOR SKULAR:
Språkreise til NOREG!
Her kan de kombinere friluftsliv og samstundes møte heimstaden til Tarjei Vesaas, A.O.Vinje, M.B,Landstad; viser, stev og ballader, hardingfela og Myllarguten.
Alt saman vert presentert av folk som nyttar vinjemål i daglegtale.Her kan det bli fare for ein skikkeleg injeksjon med nynorsk!
Kontakt Ellen B. Nordstoga for nærare informasjon.
GRUPPER:
Grupper kan leige heile Mjonøy. Mjonøy er ein eventyrleg stad med berre gamle timra hytter. Den eldste 400 år gamal. Alle hyttene har litt gamalt interiør. Her held "haugebonden" og "huldrer" til!
Tidsperiode: jan. febr. mars og påske.
Me har 46 senger fordelt på 13 hytter.
Hovudhus med storkjøkken, matsal/fellesrom med peis og god vedovn.
Underetasje med vedovn og grupperom.
Anlegget ligg i køyreavstand til Rauland skisenter, Haukelifjell skisenter og Hovden. Det er mellom ein halv time og tre kvarters køyring til dei ulike anlegga. Ein kan også gå på ski rett frå Mjonøy, då i skogsterreng og ope kulturlandskap.
KURS OG ANNAN AKTIVITET
På Mjonøy er det aktivitet heile året. Tak kontakt med oss, så får du eit oversyn over kva som hender!
Velkomen til Mjonøy!